Dil Di gall

ਵਕਤ ਦੀ ਮਾਰ
ਦਿਲ ਦੀ ਹਾਰ
ਹੈ ਝੱਲਣੀਂ ਔਖੀ,
ਇਹ ਦੁਨੀਆਂ-ਦਾਰੀ
ਰੂਹ ਦੀ ਯਾਰੀ
ਅੱਧ-ਵਿਚਕਾਰ
ਨਈਂ ਛੱਡਣੀਂ ਸੌਖੀ,
ਦਿਲ ਦੀ ਸੱਟ
ਤੇ ਅੱਲ੍ਹੇ ਫੱਟ
ਬੜਾ ਦੁੱਖ ਦਿੰਦੇ,
ਜਿੰਨਾਂ ਦੇ ਲੱਗੀ
ਹੋਈ ਠੱਗੀ
ਤੜਫਦੇ ਰਹਿੰਦੇ,
ਜੇ ਸੀ ਛੱਡਣਾਂ
ਦਿਲ ਚੋਂ ਕੱਢਣਾਂ
ਨਈਂ ਸੀ ਲਾਉਣੀ,
ਕੋਲ਼ ਨਾ ਖੜਦੇ
ਗੁੱਟ ਨਾ ਫੜਦੇ
ਜੇ ਬਾਂਹ ਛੁਡਾਉਣੀਂ,
ਵਾਸਤਾ ਈ ਰੱਬ ਦਾ
ਨਈਂਉਂ ਲੱਭਦਾ
ਰੂਹ ਦਾ ਜਾਨੀਂ,
ਤੂੰ ਪਛਤਾਉਣਾਂ
“ਰਾਏ” ਨਈਂ ਥਿਆਉਣਾਂ
ਮੁੜ ਨਈਂ ਆਉਣਾਂ
ਜੇ ਹੋ ਗਿਆ ਫਾਨੀਂ……… 😦

 

Dil

ਵਕਤ ਦੀ ਮਾਰ
ਦਿਲ ਦੀ ਹਾਰ
ਹੈ ਝੱਲਣੀਂ ਔਖੀ,
ਇਹ ਦੁਨੀਆਂ-ਦਾਰੀ
ਰੂਹ ਦੀ ਯਾਰੀ
ਅੱਧ-ਵਿਚਕਾਰ
ਨਈਂ ਛੱਡਣੀਂ ਸੌਖੀ,
ਦਿਲ ਦੀ ਸੱਟ
ਤੇ ਅੱਲ੍ਹੇ ਫੱਟ
ਬੜਾ ਦੁੱਖ ਦਿੰਦੇ,
ਜਿੰਨਾਂ ਦੇ ਲੱਗੀ
ਹੋਈ ਠੱਗੀ
ਤੜਫਦੇ ਰਹਿੰਦੇ,
ਜੇ ਸੀ ਛੱਡਣਾਂ
ਦਿਲ ਚੋਂ ਕੱਢਣਾਂ
ਨਈਂ ਸੀ ਲਾਉਣੀ,
ਕੋਲ਼ ਨਾ ਖੜਦੇ
ਗੁੱਟ ਨਾ ਫੜਦੇ
ਜੇ ਬਾਂਹ ਛੁਡਾਉਣੀਂ,
ਵਾਸਤਾ ਈ ਰੱਬ ਦਾ
ਨਈਂਉਂ ਲੱਭਦਾ
ਰੂਹ ਦਾ ਜਾਨੀਂ,
ਤੂੰ ਪਛਤਾਉਣਾਂ
“ਰਾਏ” ਨਈਂ ਥਿਆਉਣਾਂ
ਮੁੜ ਨਈਂ ਆਉਣਾਂ
ਜੇ ਹੋ ਗਿਆ ਫਾਨੀਂ……… 😦

 

PP

L

 

ਅਸੀਂ ਛਪ ਗਏ ਵਿੱਚ ਕਿਤਾਬਾਂ ਦੇ ਇੱਕ ਤੇਰੇ ਕਰਕੇ………

ਸਾਡੇ ਲਫਜ਼ਾਂ ਦੇ ਨਾਲ਼ ਭਰ ਗਏ ਨੇ
ਕੁਝ ਖਾਲੀ ਵਰਕੇ,
ਅਸੀਂ ਛਪ ਗਏ ਵਿੱਚ ਕਿਤਾਬਾਂ ਦੇ
ਇੱਕ ਤੇਰੇ ਕਰਕੇ………
ਤੂੰ ਦੱਸਿਆ ਕਿੰਝ ਖਿਆਲਾਂ ਨੂੰ
ਲਫਜਾਂ ਵਿੱਚ ਪਰੋਣਾਂ,
ਵਾਹ-ਵਾਹ ਕਰਦੀ ਥੱਕਦੀ ਨਾ
ਕੁਝ ਲਿਖ ਕੇ ਜਦੋਂ ਦਿਖਾਉਣਾਂ,
ਗੱਲਾਂ ਅੱਜ ਵੀ ਚੇਤੇ ਕਰਦਾ ਹਾਂ
ਦਿਲ ਜਿਹਾ ਭਰਕੇ,
ਅਸੀਂ ਛਪ ਗਏ ਵਿੱਚ ਕਿਤਾਬਾਂ ਦੇ ………….
ਸ਼ਬਦ ਮੇਰੇ ਤੇ ਸੋਚ ਤੇਰੀ ਨੂੰ
ਲੋਕ ਸਲਾਮਾਂ ਕਰਦੇ ਨੇ,
ਕੋਈ ਗਲਤ ਨਾ ਸੋਚੇ ਤੇਰੇ ਲਈ
ਕੁਝ ਰੱਖੇ ਤਾਂ ਹੀ ਪਰਦੇ ਨੇ,
ਦੇਣ ਤੇਰਾ ਨਈ ਦੇ ਸਕਦਾ
ਮੈਂ ਕਦੇ ਵੀ ਮਰਕੇ,
ਅਸੀਂ ਛਪ ਗਏ ਵਿੱਚ ਕਿਤਾਬਾਂ ਦੇ………………
ਅੱਜ ਵੀ ਜੇ ਕੁਝ ਲਿਖਦਾ ਹਾਂ
ਬਸ ਤੈਨੂੰ ਦਿਸਣੇ ਲਈ,
ਕੁਝ ਗਲਤ ਨਈ ਲਿਖਦਾ “ਰਾਏ”
ਬਜ਼ਾਰ ਚ ਵਿਕਣੇ ਲਈ,
ਤੇਰੇ ਅੱਗੇ ਸਿੱਜਦਾ ਏ
ਸਿਰ ਕਦਮੀਂ ਧਰਕੇ,
ਅਸੀਂ ਛਪ ਗਏ ਵਿੱਚ ਕਿਤਾਬਾਂ ਦੇ
ਇੱਕ ਤੇਰੇ ਕਰਕੇ………………….

 

 

ਜਦੋਂ ਦੇ ਮਿਲੇ ਹਮਦਰਦ ਬੜੇ ਨੇ
ਉਦੋਂ ਦੇ ਦਿਲ ਵਿੱਚ ਦਰਦ ਬੜੇ ਨੇ…

 

ਵਰਤ

ਫੇਸਬੁੱਕ ਤੇ ਕਰਵਾ ਚੌਥ ਦੇ ਵਰਤ ਦੀਆਂ ਤਿਆਰੀਆਂ ਦੇਖ ਕੇ ਮੈਂ ਅੱਜ ਫੋਨ ਤੇ ਘਰਵਾਲੀ ਨੂੰ ਪੁੱਛਿਆ
ਕਰਮਾਂ ਵਾਲ਼ੀਏ ਸਵੇਰੇ ਭਲਾ ਕੀ ਆ ?
ਕਹਿੰਦੀ ਪਤਾ ਹੈ ਜੀ
ਸ਼ਨੀਵਾਰ ਆ ।
ਤੇ ਜਵਾਕਾਂ ਦੇ ਸਕੂਲ ਪੇਰੈਂਟਸ ਮੀਟਿੰਗ ਵੀ ਆ ।
ਘਰਦੇ ਸਾਰੇ ਕੰਮ ਮੁਕਾ ਕੇ ਉੱਥੇ ਵੀ ਜਾਣਾਂ ਪੈਣਾਂ ।
ਡੈਡੀ ਵਾਂਹਡੇ ਗਏ ਆ ।
ਮੱਝ ਨੂੰ ਪੱਠੇ ਵੀ ਮੈਨੂੰ ਤੇ ਮੰਮੀ ਨੂੰ ਪਾਉਣੇ ਪੈਂਦੇ ਆ ।ਕਿੰਨੇ ਕੱਪੜੇ ਜਮਾਂ ਹੋਏ ਪਏ ਆ ਧੋਣ ਨੂੰ ।
ਪਰਸੋਂ ਫਿਰ ਐਤਵਾਰ ਆ ।
ਜਵਾਕਾਂ ਦੇ ਸਿਰ ਵੀ ਨਹਵਾਉਣੇ ਆ ।
ਇਹਨਾਂ ਦੀਆਂ ਕਾਪੀਆਂ-ਕਿਤਾਬਾਂ ਵੀ ਦੇਖਣੀਆਂ ।
ਸੱਚ ਪੈਸੇ ਵੀ ਭੇਜੋ ਇਹਨਾਂ ਦੀ ਫੀਸ ਵੀ ਤਾਰਨ ਵਾਲ਼ੀ ਆ
ਮੈਂ ਸੋਚੀਂ ਪੈ ਗਿਆ ਕਰਵਾ-ਚੌਥ ਪਤਾ ਨਈ ਕਿੱਥੇ ਮਨਾਇਆ ਜਾ ਰਿਹਾ । ਸਾਡੇ ਘਰ ਤੇ ਆਹ ਹਾਲ ਆ

 

 

ਮੈਨੂੰ ਲਿਖਣਾਂ ਆਉਂਦਾ ਜੇ

ਮੈਨੂੰ ਲਿਖਣਾਂ ਆਉਂਦਾ ਜੇ
ਲਿਖਦਾ ਮੈਂ ਉਹਦੇ ਦੇ ਰੰਗਾਂ ਤੇ,
ਕੁਝ ਲਿਖਦਾ ਤਕੜੇ ਲੋਕਾਂ ਤੇ
ਕੁਝ ਫਿਰਦੇ ਭੁੱਖੇ-ਨੰਗਾਂ ਤੇ
ਮੈਨੂੰ ਲਿਖਣਾਂ ਆਉਂਦਾ…………

ਕੁਝ ਬੇਈਮਾਨ ਸਰਕਾਰਾਂ ਤੇ
ਕੁਝ ਨਕਲ਼ੀ ਜਥੇਦਾਰਾਂ ਤੇ
ਕੁਝ ਪੜ੍ਹੇ ਬੇਰੁਜਗਾਰਾਂ ਤੇ
ਉਹਨਾਂ ਵੱਲੋਂ ਮੰਗੀਆਂ ਮੰਗਾਂ ਤੇ
ਮੈਨੂੰ ਲਿਖਣਾਂ ਆਉਂਦਾ ਜੇ
ਲਿਖਦਾ ਮੈਂ ਉਹਦੇ……..

ਕੁਝ ਲਿਖਦਾ ਪਖੰਡੀ ਬਾਬਿਆਂ ਤੇ
ਉਹਨਾਂ ਦੇ ਚਲਦੇ ਦਾਬਿਆਂ ਤੇ,
ਖੋਲੇ ਡੇਰੇ ਵਾਂਗ ਜੋ ਢਾਬਿਆਂ ਦੇ
ਲਾਹੀਆਂ ਸਭ ਸ਼ਰਮਾਂ ਸੰਗਾਂ ਤੇ
ਮੈਨੂੰ ਲਿਖਣਾਂ ਆਉਂਦਾ ਜੇ
ਲਿਖਦਾ ਮੈਂ ਰੱਬ……………

ਕੁਝ ਨਸ਼ੇ ਚ ਡੁੱਬੀ ਜਵਾਨੀਂ ਤੇ
ਸਮੈਕ,ਚਿੱਟੇ ਦੀ ਹੋਈ ਦੀਵਾਨੀਂ ਤੇ,
ਫਿਰੇ ਕਰਦੀ ਜੋ ਮਨ-ਮਾਨੀ ਤੇ
ਨਸ਼ਾ ਵੇਚਣ ਵਾਲੇ ਮਲੰਗਾਂ ਤੇ
ਮੈਨੂੰ ਲਿਖਣਾਂ ਆਉਂਦਾ ਜੇ
ਲਿਖਦਾ ਮੈਂ ਰੱਬ ਦੇ…………..

“ਰਾਏ” ਲਿਖਦਾ ਪਿੰਡ ਦੇ ਰਾਹਵਾਂ ਤੇ
ਇਹਨਾਂ ਆਉਂਦੇ ਜਾਂਦੇ ਸਾਹਵਾਂ ਤੇ,
ਸੱਜਣਾਂ ਦੀਆਂ ਅਦਾਵਾਂ ਤੇ
ਉਹਦੇ ਗਮ ਤੇ ਅੱਥਰੇ ਚਾਵਾਂ ਤੇ
ਉਹਦੇ ਬਾਹੀਂ ਪਾਈਆਂ ਵੰਗਾਂ ਤੇ
ਮੈਨੂੰ ਲਿਖਣਾ ਆਉਂਦਾ ਜੇ
ਲਿਖਦਾ ਮੈਂ ਉਹਦੇ ਰੰਗਾਂ ਤੇ……………

 

ਕਿਹੜੇ ਵੇਲੇ ਰੋਂਦਾ ਹਾਂ
ਮੈਂ ਕਿਹੜੀ ਗੱਲੋਂ ਹੱਸਦਾ,
ਸਮਝ ਸਕੇ ਕੋਈ ਮੈਨੂੰ
ਨਈਂ ਰੋਗ ਕਿਸੇ ਵੱਸ ਦਾ,
ਮਿਲਦੇ ਨੇ ਲੋਕ ਭਾਵੇਂ
ਤੂੰ ਨਈਂਉਂ ਮਿਲਦੀ,
ਤੇਰੇ ਬਾਝੋਂ ਸਮਝੇ ਨਾ
ਪੀੜ ਕੋਈ ਦਿਲ ਦੀ………….